The Irish Traditional Music Archive (ITMA) is committed to providing free, universal access to the rich cultural tradition of Irish music, song and dance. If you’re able, we’d love for you to consider a donation. Any level of support will help us preserve and grow this tradition for future generations.
Nuair a bhí sé ar obair pháirce, thug ceoltóirí foinn agus poirt do Shéamus Ennis ar bhealaí éagsúla. Bhí uirlisí ceoil ag cuid acu, portaireacht bhéil ag cuid eile agus is ag feadaíl a bhí cuid eile fós faoi mar a rinne an Ceannabhánach, an píobaire ó An Aird Mhóir, Carna. Thug Ennis faoi ndeara go mba ‘mhilis binn uaidh feadaíl a dhéanamh’ (21.5.43). De réir na nótaí san athscríobh ceoil ag Séamus Ennis, chuala Peait an ríl seo ina portaireacht bhéil ag seandaoine sa gcomharsanacht nuair a bhí sé ina ghasúr. In athscríobh eile ar an ríl chéanna déanann Ennis cur síos ar sheanchleas píobaireachta ag tagairt don dara barra deireanach de chuid B den cheol áit a seinntear trí nóta ard B agus trí nóta ard A. Tá taifeadadh déanta ar an ríl faoin ainm ‘Ceo na gCnoc’ ag roinnt píobairí ar a bhfuil Tommy Keane (The Piper’s Apron) Jimmy O’Brien Moran (Seán Reid’s Favourite) agus Conor, Gay agus Seán McKeon (The Dusty Miller).
![Pádraig Ó Ceannabháin / [grianghrafadóir gan aithint], Conamara, Co. na Gaillimhe, [n.d.]. Íomha le buíochas ó Ríonach uí Ógáin](https://s3.eu-west-1.amazonaws.com/images.itma.ie/seamusennis/277658_padraig_oceannabhain.jpg "Pádraig Ó Ceannabháin / [grianghrafadóir gan aithint], Conamara, Co. na Gaillimhe, [n.d.]. Íomha le buíochas ó Ríonach uí Ógáin")